விளையும் பயிர்

படிப்பிற்கும், திறமைக்கும் வயது கிடையாது. எந்த வயதிலும் படிக்கலாம் எத்தனை வயதானாலும் படிக்கலாம் என்று பெரியவர்கள் சொல்ல கேட்டிருப்போம். ஆனால் திறமையை வெளிக்காட்ட வயது முக்கியமா? முக்கியமில்லையா? என்று கேட்டால் அதற்கு மட்டும் பதில் இவர்களிடமிருந்து எளிதில் வராது. அப்படியே வந்தாலும் மிகப் பெரிய யோசனைக்கு பிறகு தான் பதிலே.

அப்படிப்பட்ட கேள்விக்கு இந்த படத்திலிருக்கும் சிறுவனே பதில்.

( தந்தையுடன் மகன்) 

மயிலாடுதுறையில் நடந்த ஓர் திருமண நிச்சயதார்த்த விழாவில் தவில் ஆசிரியர் திரு. பாலசுப்ரமணியன் அவர்களின் எட்டு வயதே ஆன மகன்

திரு. முத்துகுமார் (எ) சரத் வாசித்த தவில் கச்சேரி தான் வெகுவிமர்சை. 

திருமண நிச்சயத விழாவிற்கு  வந்திருந்த விருந்தினர்கள். இந்த மணமக்களை பார்த்தார்களோ இல்லையோ இந்த சிறுவனையே வைத்த கண் வாங்காமல் பார்த்தார்கள். இந்த விழாவில் விழாநாயகனாக விளங்கிய முத்துக்குமாரை பார்த்தாலே தெரியும். திறமைக்கு வயது முக்கியமா? முக்கியமில்லையா? என்று.

இனி சைக்கிள் ஓட்ட கற்றுக்கொள்ளும் சிறுவர்களிடம் சைக்கிள் உயரமே இல்லை நீ எப்படி கற்றுக்கொள்முடியும் என்று யாரும் கேட்க முடியாது. 

ஏனென்றால் தவில் எடையே இல்லாத ஒருவன் தவில் வாசிக்கும் போது நான் சைக்கிள் உயரம் இருந்தால் தான் ஓட்டமுடியுமா என் எதிர் கேள்வி கேட்டாலும் கேட்பர்.

பெண் தேடும் படலம்

”என் பெயரோ கல்யாணராமன் மங்களகரமான பெயர். ஆனால் எனக்கோ இன்னம் திருமணம் ஆகவில்லை” இது என் நண்பனின் புலம்பல்.

இதில் வேறு அவனது கோபம் எல்லாம் அவனது ஜாதகத்தின் மீது தான்.

எவண்டா இந்த ஜாதகம் ஜோசியம் அப்படிங்கறத கண்டுபிடிச்சது. என்பதே.

இந்த கல்யாணராமனுக்கு என்ன தான் பிரச்சினை என்று பார்த்தால் இவன் பிறந்த நேரம் ஒரு நிமிடம் தாண்டினால் செவ்வாய் தோஷம் இல்லை.

அவனது ஜாதகத்தில். இந்த லட்சனத்தில் அவன் பிறந்தது இந்த நேரம் தான் என்று அவன் அப்பா சொல்கிறார் அவன் பாட்டியோ இல்லை அவன் 3 நிமிடம் கழித்து தான் பிற்ந்தான். 3 நிமிடம் கழித்தால் தோஷம் கிடையாது. இது தான் அவன் பிரச்சினையே.

நான் கூட கேட்டேன் அது எப்படி டா மாறும் என்று. அதற்கு அவன் சொன்னது புத்தரின் கதை எனக்கு என்னவோ போல் இருந்தது. இதில் இவ்வளவு விசயம் இருக்கிறதா என்று

அது என்ன கதை என்றால்

புத்தர் பிறந்த போது மாடியில் இருந்து ஒரு முத்தை எடுத்து கீழே போட்டார்களாம். அந்த முத்து ஒரு கதவின் மீது பட்டு கீழே விழுந்ததாம். கீழே விழுந்த நேரத்தை வைத்து ஜாதகம் கணித்தவர்கள் சொன்னது இவர் பெரிய சக்ரவத்தி ஆவர். உலகத்தையே ஆள்வார் என்பது. ஆனால் கதவில் பட்ட ஓசையை கேட்டு ஒருவர் எழுதிய ஜாதகப்படி புத்தர் பெரிய ஞானி ஆவார். உலகத்தில் இவர் ஆண்மீகவாதியாக பற்றற்று இருப்பார் என்பது தான்.

இப்படி இருக்க சரியான பிறந்த நேரம் இல்லாமல் என் நண்பர் கல்யாணராமன் கவலைபடுவது சரிதான் என்று தோன்றியது.

இருப்பினும் ஜாதகம் பார்க்காமல் நேரம் பார்க்காமல் எத்தனையோ பேர் திருமணம் செய்திருக்கிறார்கள் மகிழ்ச்சியுடனும் இருக்கிறார்கள். அது எப்படி சாத்தியம் இது ஒரு புரியாத புதிராக இருந்தாலும்.

இந்த கதை எனக்குள் ஒரு புரிதலை உண்டாக்கியது.

உலகத்தில் பிறந்த அத்தனை பேருக்கும் சரியாகதான் ஜாதகம் குறிக்கப்பட்டுள்ளதா. அறுவைசிகிச்சை மூலம் பிறந்தவர்களுக்கு எப்படி ஜாதகம் பார்ப்பது என்பதே.

ஆக இந்த ஜாதகம் ஜோசியம் பார்க்காமல் நடந்த திருமணம் நல்லதாகவே இருக்கும்பட்சத்தில் ஏன் இந்த திருமண பொருத்தமும். ஜாதகமும்.

இன்று கல்யாணராமன் காதலித்த செவ்வாய்தோஷம் இல்லாத பெண்ணை திருமணம் செய்ய தீர்மாணித்துவிட்டார். அவர் எண்ணம் நடக்க வாழ்த்துகள்

சித்த மதம், சித்தர்களுக்கு ஏது மதம்.

இந்து மதம் என்பது தனியொரு மதம் அல்ல. பல மதங்களின் கூட்டு தான். ஒரு குறிப்பிட்ட கடவுளை வணங்கும் மக்கள் தன் கடவுளை தலைமையாக கொண்டு தங்களுக்காக வகுத்துக்கொண்ட ஒன்று தான் இந்த மதம். 

ஆக இதில் பல கடவுளர்களை கொண்ட இந்து மதம் மட்டும் என்ன தனி ஒர மதமா என்றால் இல்லை என தைரியமாக சொல்லலாம். மற்ற நாடுகளில் பல கடவுளர்களை கொண்ட மதங்கள் இருந்தாலும் நம் இந்திய நாட்டில் இந்த இந்து மதம் தானே பிரதானமாக இருக்கிறது.

ஆரம்பத்தில் சைவமும், வைணவமும் தனித்தனி மதங்களாக இருந்தன. ஆரியர்கள் வந்த பிறகோ அல்லது அதற்கு முன்னதாகவோ இந்த இரு மதங்களும் இணைந்திருக்கவேண்டும் என்று ஆய்வாளர்கள் சொல்கிறார்கள். அது மட்டும் இன்றி ஆரியர்கள் வந்த பிறகு அவர்களிள் கண்ணில் பட்ட தெய்வங்களின் சிலைகளை கூட இந்து மதத்திற்கு உட்படுத்தி வைத்திருந்தார்கள். 

இந்த பட்டியலில் திராவிடர்கள் வழிபட்ட கடவுளர்களான  அய்யனார், முனீஸ்வரன், வீரன் போன்ற எல்லை கடவுளர்களையும் விட்டுவைக்கவில்லை.

பெருநிலையான தெய்வங்களையும் கூட விடவில்லை. இதில் பைரவரை சிவனின் மறுஉருவம் என்று சித்தரித்து வைத்துள்ளார்கள். கொல்லிபாவையை காவல் தெய்வமாகவும் சொல்லி வைத்திருக்கிறார்கள்.

ஆனால் ஒரு சில கடவுளர்களுக்கு ஒரு இடத்தில் மட்டுமே கோவில் உள்ளதால் அந்த கடவுளை ஏதோ விட்டுவிட்டார்கள் போல.

சில திராவிட கடவுளர்களுக்கு கோவில்கள் கூட இல்லை. ஆணால் சில கடவுளர்களுககு இருக்கிறது. உதாரணத்திற்கு கொல்லிமலையில் உள்ள கொல்லி பாவை என்றும்  தெய்வத்திற்கு கொல்லி மலையில் மட்டும் தான் கோவில் அந்த அம்மாவின் பெயரிலேயே இன்னமும் இந்த மலை கொல்லிமலை என்று அழைக்கப்படுகிறது. 

கொல்லி பாவை என்றால் இன்று மக்களுக்கு தெரியவில்லை எட்டுக்கை அம்மன் என்று தான் அழைக்கின்றார்கள்.

இந்த கொல்லிபாவையை பற்றி சங்க இலக்கியத்தில் இடம் பெற்றிருக்கிறது.

இந்த பாவையின் பரிவாரங்களில் ஒன்று பெரியண்ணசாமி இவரையும் சிவனாக ஆக்கி விட்டார்கள். ஆனால் உண்மையில் இவர் பாவையின் பரிவார தெய்வம்.

இதற்குண்டான ஆதாரங்கள்  சங்க இலக்கியங்களான நற்றினை, குறுந்தொகை, அகநானூற்றிறும் இருக்கிறது. அது மட்டுமின்றி நாலாயிரந் திவ்யபிரபந்தத்தில் இந்த பாவையை ப்ற்றி குறிப்புகள் உள்ளது. 

குங்கிலிய காட்டுக்குள்ளே கொல்லியம்பாவையை தரிசித்ததாக திருஞானசம்பந்தர் பாடியிருக்கிறார். பாவை இருக்கும் இடம் குங்கிலியம் நிறைந்திருக்கும் பகுதி தான்.

பாவை என்பது ஒரு பெருநிலையான திராவிட இன கடவுள். முருகனும் கூட திராவிட இன கடவுள் தான்.

அது போல கோவில் இல்லா கடவுளர்களான மனோகரி போன்ற கடவுளர்களும் இருக்க தான் செய்கிறார்கள்.

இது போன்ற கடவுளர்கள் பல ர்இருக்கிறார்கள் அவர்களை பற்றி கூறினால் கூறிக்கொண்டே போகலாம்.

என்னுடைய பதிவை படிக்க வந்தமைக்கு நன்றி

தமிழக ஆட்சியின் நிலை

சமீபத்தில் ஒரு விளம்பரம் பார்க்க நேர்ந்ததது. அதில் ஒரு  சீனத்து உணவகத்தில் நமது இந்திய பிரஜை உணவருந்த செல்வார். அதில் பாஷை புரியாமல் எதை சாப்பிடுவது என்பதை சொல்ல தெரியாமல் ஏதோ ஒரு உணவை ஆர்டர் செய்வார். அவர் ஆர்டர் செய்த உணவு ஓர் அருமையான அசைவ உணவு. திருப்தியாக சாப்பிடுவார்.அதை அவர் சாப்பிட்டு முடித்து அது என்ன உணவு என்று அந்த சர்வரிடம் சைகை மூலம் பக் பக் பக் என்று கேட்பார். அவர் கேட்டதற்கு என்ன அர்த்தம் என்றால் அது வாத்தா என்பதாகும். ஆனால் அந்த சர்வர் சொன்ன பதில் அவருக்கு இடியே தலையில் விழுந்தது போல் இருந்தது. அதாவது சர்வர் சொன்ன பதில் லொள் லொள். என்னன்னா அவர் சாப்பிட்டது நாய் என்பதாகும்.

அது போல் தான் உள்ளது நமது ஆட்சியின் நிலை. நாம் பசியை போல் ஆட்சி அமைத்தால் அந்த ஆட்சி நமக்கு வாத்துகறியை போல் உணவளிக்காமல். நாய் கறியை போல் உணவளிக்கிறது. நமது தேர்த்தெடுத்த லட்சனம் அப்படி. என்னசெய்வது. விட்டால்

துக்ளக் தலைநகரை மாற்றியதை போல் இன்னும் சிறிது நாட்களில் நமது தலைநகர் கொடநாட்டுக்கு மாறினாலும் ஆச்சர்ய படுவதற்கில்லை.

ஜாக்கிரதை.

நித்தியானந்தர்

நித்தியானந்தா

சாதாரண மனிதர் இன்று பல சர்ச்சைகளுக்கு உட்பட்டு ஒரு ஆதினத்தில் இளைய தலைவர்.

கதவை திற காற்று வரட்டும் என்றவர் கதவை மட்டும் திறந்து வைத்திருந்தால் இவ்வளவு பிரச்சினைக்கும் ஆளாக வேண்டிய அவசியம் அவருக்கு இல்லை.


வாயையும் சற்றே மூடி வைத்திருக்கலாம். தான் செய்தது தவறு என்று தெரிந்தும் அதை நியாயப்படுத்த முயற்சிக்கும் அவருடைய முயற்சியை என்னவென்று சொல்ல.

கோயபல்ஸ் கூட தோற்றுவிடுவார் போல.

தப்பா தவறா

ஒரு படத்துல பிரகாஷ்ராஜ் சொல்லுவார். துரோகம் இரண்டு வகைபடும் ஒன்று நமக்கு நாமே செஞ்சிக்கறது. மற்றொன்று நாம் பிறருக்கு செய்வது.

நமக்கு நாமே செஞ்சிக்கிறது. சிகரெட், தண்ணீ, மற்ற போதை பொருட்கள்.

உலகில் பிறந்த அனைவரும் ஏதோ ஒரு வகையில் சைக்கோ என்பது போல் உலகில் பிறந்த அனைவரும் ஏதோ ஒரு வகைக்கு அடிமை தான்.

அடிமைத்தனம் மற்றும் பழக்கவழக்கம் சைக்கோவாகிறது.
அது யாராக இருந்தாலும் சரி. பாரதிக்கு போதை பொருள் பழக்கம் இருந்தது. காந்திக்கு இனிமா கொடுத்துகொள்ளும் பழக்கம் இருந்தது. அது போல் நேருவுக்கும் சிகரெட்.

ஆக உலகில் மனிதன் ஏதோ ஒன்றிற்கு அடிமையாகி கொண்டு தான் இருக்கிறான்.

இந்த பழக்கம் ஆழ்மனதில் ஏற்படுகின்ற இறுக்கத்திற்கு இதுஒரு வடிகால் என்பது உளவியலாளர்கள் கருத்து.

ஆக இது நமக்கு நாமே செய்துக்கொள்ளும் துரோகம் என்றாகாது. சிலருக்கு நகம் கடிக்கும் பழக்கம் இருக்கும். இது தவறு தான். ஆனால் சிகரெட் அளவுக்கு அல்ல என்றாலும் இதுவும் ஒரு சைக்கோதனம் தான்.

இந்த பழக்கத்தால் உடல் தான் பாதிக்கப்படுகிறது. மனம் அல்ல. என்பது பொதுவானதானாலும். உடல் பாதித்தால் மனமும் பாதிக்கும் என்பது பொது கருத்து.

இந்த சைக்கோ தனத்தை கட்டுப்படுத்தினால் அது மற்றோர் பழக்கத்திற்கு தான் எடுத்துசெல்லும்.