இயற்கை

இயற்கை நமக்கு ஒரு வரப்பிரசாதம். இயன்ற வரை மனிதகுலத்திற்கு நன்மையே செய்துக்கொண்டிருக்கும். இந்த இயற்கைகையை மனிதன் செயற்கை மூலமாக மாற்றம் செய்துகொண்டு தானும் கெட்டு மற்ற உயிரினங்கைளையும் கெடுத்துக்கொண்டிருக்கிறான்.

இயற்கையை மற்ற எந்த உயிரினமும் மாற்றம் செய்ய நினைக்கவில்லை ஆனால் மனிதன் மட்டும் தான் அதற்கு விதிவிலக்கு என்பது போல் நினைத்துக்கொண்டிருக்கிறோம்.

மரங்கள் தாவரங்கள், செடிகொடிகள் போன்றவற்றிலிருந்து இயற்கை நமக்கு கொடுத்திருக்கும் மருந்துகள் ஏராளம்.

மனிதர்கள் தான் இயற்கையை மாற்றி அமைக்கிறார்கள், அவர்களால் தான் இயற்கை அழிக்கப்படுகிறது என்பது தவறு.

ஆஸ்திரேலியாவில் முயல்கள் அந்த நாட்டின் புல்வளத்தை அழித்ததாக படித்திருப்போம்.

அது போல் இந்தியாவில் காட்டு யானைகள் வயல்களில் இறங்கி விவசாய நிலத்தை பாழ்படுத்தியதாகவும் பார்த்திருக்கிறோம். ( கும்கி திரைபடம்).

ஆக மனிதர் மட்டும் அல்ல சில விலங்குகளுமே இதற்கு விதிவிலக்கல்ல. அப்படியே இருந்தாலும் மனிதர்கள் என்ன செயற்கையா.

சம்பாபதி அம்மன்

 பூம்புகார் என்ற புராதான நகரை பற்றி  நாம் நினைத்தால் நமக்கு நினைவு வருவது சிலப்பதிகாரமும்,  கடற்கரையும்,  கலைகூடமும்  தான்.

பண்டைய தமிழகத்தின் கலாச்சாரமும், பண்பாடும், கட்டிடகலையும் கூட எச்சங்களாக இன்னமும் மிச்சம் இங்கு இருக்கின்றன இந்த புராதான நகரில் பழைய அடையாளங்கள் இன்னமும் தக்க வைத்துள்ளது.

2 ஆம் நூற்றாண்டை சேர்ந்த புத்தவிகாரை ஒன்று இங்கு அங்குள்ளது.

அது போல் கரிகாற்சோழன் காலத்து மடை ஒன்றும் இங்குள்ளது. இது நம் தமிழர்களின் கட்டிட மற்றும் பொறியியல் அறிவை அன்றே இந்த கட்டிடங்கள் வெளிபடுத்துகின்றன. 

( அந்த படங்கள் இதில் இல்லை ).

அது மட்டுமின்றி சிலப்பதிகாரத்தில் வரும் சம்பாபதியம்மன் ஆலயமும் இந்த பூம்புகார் அருகில் உள்ள சாயாவனம் எனும் ஊரில் தான் உள்ளது.

இந்த சம்பாபதி ஆலயத்தை பற்றி கூற வேண்டுமானால் இது ஒரு திராவிட கலாச்சாரத்தை இன்னமும் பறைசாற்றி கொண்டிருக்கும் ஒரு ஆலயமாக தான் நாம் பார்க்க வேண்டும். ஏனெனில் இன்னமும் இந்த கோவிலுக்கு சமஸ்கிருத மந்திரமும், பிராமனியமும் நுழையாமல் இருக்கிறது.

ஆரியம் உள்ளே நுழையாத அந்த சிலப்பதிகார காலத்தில் கண்ணகிக்கும், மாதவிக்கும் குலதெய்வமாக இருந்தது இந்த சம்பாபதியம்மன் என்றும் சிலப்பதிகாரம் தெரிவிக்கிறது.

மணிமேகலை நூலில் மணிமேகலையை துரத்தி வந்த உதயகுமாரனிடமிருந்து மணிமேகலையையை மீட்ட தெய்வம் என்று இந்த தெய்வம் கூறப்படும்.

அப்படிப்பட்ட தெய்வம் இருக்கும்  இருந்த கோவில் இன்று சிதிலமடைந்து பாழடைந்து கிடக்கிறது. ஆனால் தற்போது அந்த அம்மன் இருப்பது என்னவோ அருகில் உள்ளஒரு குடி்சையில் தான். 

சிலப்பதிகாரத்திலும், மணிமேகலையிலும் இந்த தெய்வத்தை பற்றி பல குறிப்புகள் உள்ளது.

அது மட்டுமின்றி சதுக்கபூதம் பற்றிய குறிப்புகளும் இந்த சிலப்பதிகாரத்தில் உள்ளது. அந்த சதுக்கபூதத்தின் சிற்பம் சற்றே சிதிலமடைந்தாலும் பார்க்க கம்பீரமான தோற்றத்துடன் காண்போரை வியப்படைய செய்யும் வண்ணம் இருக்கிறது.  அது மட்டுமின்றி பழந்தமிழர்களின் கலாச்சாரத்தை இன்னமும் பறைசாற்றும் விதமாக கம்பீரமாக இருக்கிறது.

இந்த கோவிலை பொறுத்தவரை கடவுள் இருக்கிறதா இல்லையா என்பது பிரச்சினை இல்லை, ஆரியம் இன்னமும் நுழையாத திராவிட கலாச்சாரத்தை பறைசாற்றும் இந்த கோலிலுக்கு பழம்பெருமை பேசும் நாம் என்ன செய்யபோகிறோம்.

இது என்னவோ

ஒரு பெண் ருதுவானால் செய்யப்படும் விழாவாம் இந்த விழா. 

வீட்டில் உள்ள பெரியோர்கள் தன் வீட்டில் உள்ள பெண் ருதுவாகிவிட்டால் என்று ஊரை கூட்டி வைக்கப்படும் விழாவாம் இது.

இதனால் அந்த பெண்ணுக்கு ஏதேனும் நன்மை நடக்க இருக்கிறதா என்றால் இல்லை என்றே சொல்லலாம்.

இந்த விழாவால் அந்த பெண்ணின் சுதந்திரம் பாதிக்கப்படும். வாலிப வயது நபர்கள் அந்த பெண்ணை வட்டமிடுவார்கள். இதனால் சம்பந்தபட்ட பெண்ணின் பெற்றோர்கள் மனம் சஞ்சலம் அடையும். இது தான் இந்த விழாவால் நிகழக்கூடிய மிகப்பெரிய நன்மை என்று ஒரு பெரியவர் கூற கேட்டேன்.

அதனால் எனது அச்சகத்தில் இந்த புனித நீராட்டு விழா பத்திரிகை அடிக்க வந்த ஒருவரிடம் அந்த பெரியவர் சொன்னதை சொல்லிக்கொண்டிருந்தேன். 

அவர் நான் பேசிய பேச்சில் பத்திரிகை அடிக்காமலேயே சென்று விட்டார். சரி இவரை நாம் பேசியே சரிசெய்துவிட்டோம். என்று ராஜதந்திரங்களை கரைத்து குடித்தவனடா நீ என்று எனக்கு நானே சபாஷ் சொன்ன போது தான் தெரிந்தது. அவர் எனக்கு அருகில் உள்ள அச்சகத்தில் இந்த பத்திரிகையை அடித்துக்கொண்டிருந்தது.

விளையும் பயிர்

படிப்பிற்கும், திறமைக்கும் வயது கிடையாது. எந்த வயதிலும் படிக்கலாம் எத்தனை வயதானாலும் படிக்கலாம் என்று பெரியவர்கள் சொல்ல கேட்டிருப்போம். ஆனால் திறமையை வெளிக்காட்ட வயது முக்கியமா? முக்கியமில்லையா? என்று கேட்டால் அதற்கு மட்டும் பதில் இவர்களிடமிருந்து எளிதில் வராது. அப்படியே வந்தாலும் மிகப் பெரிய யோசனைக்கு பிறகு தான் பதிலே.

அப்படிப்பட்ட கேள்விக்கு இந்த படத்திலிருக்கும் சிறுவனே பதில்.

( தந்தையுடன் மகன்) 

மயிலாடுதுறையில் நடந்த ஓர் திருமண நிச்சயதார்த்த விழாவில் தவில் ஆசிரியர் திரு. பாலசுப்ரமணியன் அவர்களின் எட்டு வயதே ஆன மகன்

திரு. முத்துகுமார் (எ) சரத் வாசித்த தவில் கச்சேரி தான் வெகுவிமர்சை. 

திருமண நிச்சயத விழாவிற்கு  வந்திருந்த விருந்தினர்கள். இந்த மணமக்களை பார்த்தார்களோ இல்லையோ இந்த சிறுவனையே வைத்த கண் வாங்காமல் பார்த்தார்கள். இந்த விழாவில் விழாநாயகனாக விளங்கிய முத்துக்குமாரை பார்த்தாலே தெரியும். திறமைக்கு வயது முக்கியமா? முக்கியமில்லையா? என்று.

இனி சைக்கிள் ஓட்ட கற்றுக்கொள்ளும் சிறுவர்களிடம் சைக்கிள் உயரமே இல்லை நீ எப்படி கற்றுக்கொள்முடியும் என்று யாரும் கேட்க முடியாது. 

ஏனென்றால் தவில் எடையே இல்லாத ஒருவன் தவில் வாசிக்கும் போது நான் சைக்கிள் உயரம் இருந்தால் தான் ஓட்டமுடியுமா என் எதிர் கேள்வி கேட்டாலும் கேட்பர்.

பெண் தேடும் படலம்

”என் பெயரோ கல்யாணராமன் மங்களகரமான பெயர். ஆனால் எனக்கோ இன்னம் திருமணம் ஆகவில்லை” இது என் நண்பனின் புலம்பல்.

இதில் வேறு அவனது கோபம் எல்லாம் அவனது ஜாதகத்தின் மீது தான்.

எவண்டா இந்த ஜாதகம் ஜோசியம் அப்படிங்கறத கண்டுபிடிச்சது. என்பதே.

இந்த கல்யாணராமனுக்கு என்ன தான் பிரச்சினை என்று பார்த்தால் இவன் பிறந்த நேரம் ஒரு நிமிடம் தாண்டினால் செவ்வாய் தோஷம் இல்லை.

அவனது ஜாதகத்தில். இந்த லட்சனத்தில் அவன் பிறந்தது இந்த நேரம் தான் என்று அவன் அப்பா சொல்கிறார் அவன் பாட்டியோ இல்லை அவன் 3 நிமிடம் கழித்து தான் பிற்ந்தான். 3 நிமிடம் கழித்தால் தோஷம் கிடையாது. இது தான் அவன் பிரச்சினையே.

நான் கூட கேட்டேன் அது எப்படி டா மாறும் என்று. அதற்கு அவன் சொன்னது புத்தரின் கதை எனக்கு என்னவோ போல் இருந்தது. இதில் இவ்வளவு விசயம் இருக்கிறதா என்று

அது என்ன கதை என்றால்

புத்தர் பிறந்த போது மாடியில் இருந்து ஒரு முத்தை எடுத்து கீழே போட்டார்களாம். அந்த முத்து ஒரு கதவின் மீது பட்டு கீழே விழுந்ததாம். கீழே விழுந்த நேரத்தை வைத்து ஜாதகம் கணித்தவர்கள் சொன்னது இவர் பெரிய சக்ரவத்தி ஆவர். உலகத்தையே ஆள்வார் என்பது. ஆனால் கதவில் பட்ட ஓசையை கேட்டு ஒருவர் எழுதிய ஜாதகப்படி புத்தர் பெரிய ஞானி ஆவார். உலகத்தில் இவர் ஆண்மீகவாதியாக பற்றற்று இருப்பார் என்பது தான்.

இப்படி இருக்க சரியான பிறந்த நேரம் இல்லாமல் என் நண்பர் கல்யாணராமன் கவலைபடுவது சரிதான் என்று தோன்றியது.

இருப்பினும் ஜாதகம் பார்க்காமல் நேரம் பார்க்காமல் எத்தனையோ பேர் திருமணம் செய்திருக்கிறார்கள் மகிழ்ச்சியுடனும் இருக்கிறார்கள். அது எப்படி சாத்தியம் இது ஒரு புரியாத புதிராக இருந்தாலும்.

இந்த கதை எனக்குள் ஒரு புரிதலை உண்டாக்கியது.

உலகத்தில் பிறந்த அத்தனை பேருக்கும் சரியாகதான் ஜாதகம் குறிக்கப்பட்டுள்ளதா. அறுவைசிகிச்சை மூலம் பிறந்தவர்களுக்கு எப்படி ஜாதகம் பார்ப்பது என்பதே.

ஆக இந்த ஜாதகம் ஜோசியம் பார்க்காமல் நடந்த திருமணம் நல்லதாகவே இருக்கும்பட்சத்தில் ஏன் இந்த திருமண பொருத்தமும். ஜாதகமும்.

இன்று கல்யாணராமன் காதலித்த செவ்வாய்தோஷம் இல்லாத பெண்ணை திருமணம் செய்ய தீர்மாணித்துவிட்டார். அவர் எண்ணம் நடக்க வாழ்த்துகள்

சித்த மதம், சித்தர்களுக்கு ஏது மதம்.

இந்து மதம் என்பது தனியொரு மதம் அல்ல. பல மதங்களின் கூட்டு தான். ஒரு குறிப்பிட்ட கடவுளை வணங்கும் மக்கள் தன் கடவுளை தலைமையாக கொண்டு தங்களுக்காக வகுத்துக்கொண்ட ஒன்று தான் இந்த மதம். 

ஆக இதில் பல கடவுளர்களை கொண்ட இந்து மதம் மட்டும் என்ன தனி ஒர மதமா என்றால் இல்லை என தைரியமாக சொல்லலாம். மற்ற நாடுகளில் பல கடவுளர்களை கொண்ட மதங்கள் இருந்தாலும் நம் இந்திய நாட்டில் இந்த இந்து மதம் தானே பிரதானமாக இருக்கிறது.

ஆரம்பத்தில் சைவமும், வைணவமும் தனித்தனி மதங்களாக இருந்தன. ஆரியர்கள் வந்த பிறகோ அல்லது அதற்கு முன்னதாகவோ இந்த இரு மதங்களும் இணைந்திருக்கவேண்டும் என்று ஆய்வாளர்கள் சொல்கிறார்கள். அது மட்டும் இன்றி ஆரியர்கள் வந்த பிறகு அவர்களிள் கண்ணில் பட்ட தெய்வங்களின் சிலைகளை கூட இந்து மதத்திற்கு உட்படுத்தி வைத்திருந்தார்கள். 

இந்த பட்டியலில் திராவிடர்கள் வழிபட்ட கடவுளர்களான  அய்யனார், முனீஸ்வரன், வீரன் போன்ற எல்லை கடவுளர்களையும் விட்டுவைக்கவில்லை.

பெருநிலையான தெய்வங்களையும் கூட விடவில்லை. இதில் பைரவரை சிவனின் மறுஉருவம் என்று சித்தரித்து வைத்துள்ளார்கள். கொல்லிபாவையை காவல் தெய்வமாகவும் சொல்லி வைத்திருக்கிறார்கள்.

ஆனால் ஒரு சில கடவுளர்களுக்கு ஒரு இடத்தில் மட்டுமே கோவில் உள்ளதால் அந்த கடவுளை ஏதோ விட்டுவிட்டார்கள் போல.

சில திராவிட கடவுளர்களுக்கு கோவில்கள் கூட இல்லை. ஆணால் சில கடவுளர்களுககு இருக்கிறது. உதாரணத்திற்கு கொல்லிமலையில் உள்ள கொல்லி பாவை என்றும்  தெய்வத்திற்கு கொல்லி மலையில் மட்டும் தான் கோவில் அந்த அம்மாவின் பெயரிலேயே இன்னமும் இந்த மலை கொல்லிமலை என்று அழைக்கப்படுகிறது. 

கொல்லி பாவை என்றால் இன்று மக்களுக்கு தெரியவில்லை எட்டுக்கை அம்மன் என்று தான் அழைக்கின்றார்கள்.

இந்த கொல்லிபாவையை பற்றி சங்க இலக்கியத்தில் இடம் பெற்றிருக்கிறது.

இந்த பாவையின் பரிவாரங்களில் ஒன்று பெரியண்ணசாமி இவரையும் சிவனாக ஆக்கி விட்டார்கள். ஆனால் உண்மையில் இவர் பாவையின் பரிவார தெய்வம்.

இதற்குண்டான ஆதாரங்கள்  சங்க இலக்கியங்களான நற்றினை, குறுந்தொகை, அகநானூற்றிறும் இருக்கிறது. அது மட்டுமின்றி நாலாயிரந் திவ்யபிரபந்தத்தில் இந்த பாவையை ப்ற்றி குறிப்புகள் உள்ளது. 

குங்கிலிய காட்டுக்குள்ளே கொல்லியம்பாவையை தரிசித்ததாக திருஞானசம்பந்தர் பாடியிருக்கிறார். பாவை இருக்கும் இடம் குங்கிலியம் நிறைந்திருக்கும் பகுதி தான்.

பாவை என்பது ஒரு பெருநிலையான திராவிட இன கடவுள். முருகனும் கூட திராவிட இன கடவுள் தான்.

அது போல கோவில் இல்லா கடவுளர்களான மனோகரி போன்ற கடவுளர்களும் இருக்க தான் செய்கிறார்கள்.

இது போன்ற கடவுளர்கள் பல ர்இருக்கிறார்கள் அவர்களை பற்றி கூறினால் கூறிக்கொண்டே போகலாம்.

என்னுடைய பதிவை படிக்க வந்தமைக்கு நன்றி